Why You Should Never Give Up On Your Dreams

 

Sababta Aadan Waligaa Uga Hadhin Riyooyinkaaga

Riyooyinka nolosha, ha quusanin, dhiirigelin, riyadaada rumee, guusha nolosha, caqabadaha nolosha

 

Qof kasta oo nool wuxuu leeyahay riyo. Riyooyinka nolosha waxay ka mid yihiin waxyaabaha na dhiirigeliya, na guubaabiya, horay u wada. Laakiin mararka qaar nolosha waxay noqotaa mid adag, oo waxay nagu qasbaysaa inaan ka fikirno in aan riyadeena ka hadhno. Qoraalkan, waxaan ka hadali doonaa sababaha muhiimka ah ee aan waligeen uga harin riyooyinka aan rumeysanahy

 

1.Riyooyinku waa dhiirigelinta Noloshaada

Riyada aad qabto waa waxa subax walba ku kiciya. Waa sababta aad u dadaalayso, u baranayso, ama u fikirayso mustaqbal wanaagsan. Marka aad riyadaada ka hadho, waxaad luminaysaa jihada noloshaada. Sidaa darted, riyadaada ka dhig mid kuu ah hanuun iyo himilo joogto ah.

 

2.Caqabadaha Waa Kaliya Tijaabooyin

Caqabadaha iyo dhibaatooyinka nolosha ma aha dhamaadka safarkaaga, ee waa qeyb ka mid ah. Qof kasta oo guulaystay wuxuu la kulmay burbur, niyad jab, iyo dhacdooyin adag, laakiin wuxuu doortay inuu u adkeysto. Ha quusanin marka aad la kulanto dhibaatoyin-waa fursad aad ku barato una kori karto.

 

3.Dadaalkaagu Wuu Isu Geynayaa

Inaad riyo weyn leedahay macnaheedu maaha inaad hal mar gaari doonto. Waxaa loo baahan yahy dadaal joogto ah, dulqaad iyo rumayn adiga naftaada. Talaabo yar oo aad manta qaado waxay noqon kartaa sababta aad berito ugu dhawdahay guusha.

 

4.Waxaad Ku Noqon Kartaa Dhiirigelin Dad Kale

Mararka qaar waxaad dareemeysaa inaadan socon Karin, laakiin waxaa jira dad adiga kugu dayda, adiga ka bartay samirka iyo dadaalka. Marka aad sii wado safarka riyadaada, waxaad noqon kartaa iftiin dadka kale u muuqda. Dadka kugu xeeran ayaa laga yaabaa inay riyadooda adiga kugu dhisaan.

5.Waqtigu wuu sii soconayaa-Guulna Way suurtagal tahay

Waqtiga waa mid aan istaagin. Hadaba, maxaa ka wanaagsan inaad waqtigaaga geliso wax dhisi kara mustaqbalkaaga? Ha dhihin waa goor dambe, ha dhihin wuu iga baxay waqtigii. Riyadaadu wali way noo shahay ilaa aad adigigu ka tagto.

 

Gunaanad

Ha quusanin-Riyadaada way mudan tahay

 

Riyadaada waa qayb ka mid ah qofnimadaada. Waa wax laguu abuuray. Waa sababta aad u nooshahay. Mar kasta oo aad rabto inaad ka harto, xasuuso sababta aad u bilowday. Ha u ogolaan cabsida, dadka, ama xaalada iney kaa leexiso riyadaada.

Ha quusanin. Dadaal. Ducayso. Ilahayna aamin