3 Daily Habits of Successful People

 

Sadex Caado oo Dadka Guuleystay Ay Maalin kasta Sameeyaan

Guushu maaha wax si lama filaan ah u yimaada, wa natiijada ficillo iyo caadooyin sax ah oo la sameeyo maalin kasta. Dadka guuleystay waxay leeyihiin hab nololeed ay si joogto ah u raacaan, taas oo ka caawisa inay gaaraan yoolalkooda.

Hadaba, haddii aad rabto inaad guul ka gaarto noloshaada, waa inaad barato cadooyinka dadka guuletsatay oo aad naftaada ku tababarto.

Hoos ka akhri sadex caado oo muhiim ah oo qofkasto  guuleystay uu maalin kasta sameeyo!

1.Waxay Leeyihiin Subax Waxtar Leh

Dadka guulaystay ma toosaan iyagoo aan lahayn qorshe cad oo subaxdooda ah. Subaxdooda waxay ku bilaaban caadooyin muhiim ah oo sare u qaada wax soo saarkooda maalinta oo dhan

Maxay Sameeyaan subax Kasta?

·       Waxay toosaan waqti hore.

·       Waxay sameeyaan jimicsi si jirkooda iyo maskaxdoodu u firfircoonaato.

·       Waxay qorsheeyaan maalinta-waxay qoraan howlaha muhiimka ah ee ay rabaan inay qabtaan.

Faa’iidada: Hadii aad subaxdada si sax ah u bilowdo, maaliintaada oo dhan waxay noqonaysaa mid wax soo saar leh

2.Waxay Fuliyaan Shaqooyinkooda iyadoo Aan Dib loo dhigin

Dadka guulaystay ma aha kuwo shaqooyinka dib u dhiga waxay fahmeen in waqtigu yahay hantida ugu qiimaha badan ee qof leeyahay, sidaas darted waxay xooga saaraan inay qabtaan howlaha muhiimka ah halkii ay dhigi lahaayeen berri.

Sidee ayey uga fogaadaan dib u dhigista shaqooyinka?

·       Waxay doortaan shaqada ugu muhiimsan oo marka hore qabtaan.

·       Waxay isticmaalaan 80\20 Rule” -20% shaqo muhiim ah ayaa keenaysa 80% natiijo.

·       Waxay iska ilaaliyaan waxyaabaha mashquulinaya sida social Media iyo TV.

·       Waxay isticmaalaan farsamada “ Pomodoro Technique”- waxay shaqeeyaan 25 daqiiqo kadibna 5 daqiiqo nasanayaan.

Faa’iidaada: Marka aad la dagaalanto dib u dhigista, wax badan ayaad qaban doontaa, guushana way kuu soo dhawaanaysaa.

3.Waxay Bartaan Wax Cusub Maalin Walba

Dadka guulaystay ma joogaan hal meel, waxay si joogto ah u bartaan wax cusub si ay u horumariyaan naftooda. Waxay ogyihiin in aqoontu tahay furaha horumarka iyo guusha.

 

Maxay bartaan maalin kasta?

·       Waxay akhriyaan buugaag horumarin nafsadeed

·       Waxay dhageystaan Podcast-yada ama motivational talks.

·       Waxay la kulmaan ama la xiriiraan dad guulaystay si ay wax uga bartaan.

·       Waxay isku dayaan inay bartaan xirfad cusub oo sare u qaadi karta noloshada

Faa’iidada: Aqoonta aad hesho manta waxay kaa caawin doontaa inaad mustaqbalka noqoto qof ka wanagsan sida aad hada tahay.

Gunaanad

Guushu maaha wax nasiib ku yimaada, waa dadaal joogto ah oo lagu dhiso caadooyin wanaagsan. Hadii aad rabto inaad gaarto guul, isku day inaad noloshaada ku darto Sadexdaan Caado

·       Subax waxtar leh yeelo- Maskaxdaada iyo jirkaaga diyaarso.

·       Dib ha u dhigin howlaha muhiimka ah-hada bilow, ha sugin maalinta saxda ah.

·       Wax cusub maalin kasta baro-Aqoon la’aan guul ma jirto

 

 

Hadda waxaa xigtay inaad ficil la timaado!

Maanta bilow, waana hubaa in mustaqbalkaaga uu iftiimi doono.

 

Guusha, caadooyinka Guusha, Guul, dib u Dhigis Horumar, maskaxda  Guusha, Nolosha wanaagsan, side loo Guuleystaa?